Prodance 新學期舞蹈課程結構大更新

Prodance運作咗好一段時間喇，感謝各位學生一直以黎嘅支持。為咗令學生學習更加完善，係黎緊新學期課程結構上我哋做咗幾個更新。

原先4堂常規班課程結構可以讓老師完成到指定嘅舞步動作教學，但係我哋發現想糾整學生正確嘅動作則需要到MV班先可以做到，所以我哋決定每期新增多一堂，讓老師除咗教動作外，有更多時間去講解及執整學生嘅舞蹈動作，希望可以加深學生對動作嘅理解，增加學習嘅仔細度。

另外我哋亦會將上課時間提前5分鐘結束，讓家長同老師之間有足夠空間去溝通，了解小朋友學習嘅進度。

上一次7月份嘅課程更新上有提及到會增開12-18歲嘅青少年常規班，黎緊10月份會正式推出，各位青少年可以更容易搵到志同道合嘅伙伴一齊學習喇。

Prodance終於加入新既課程內容喇，過去一段時間，都見到好多同學仔真係好用心想學好跳舞。

有見及此，我哋決定增加Foundation 基礎舞蹈班。Foundation班分為6-9/9-12/12-18歲，主要畀學生學習舞蹈最基礎嘅技巧，透過反覆練習及組合應用，打好舞蹈基本功。Foundation班可以加強學生對跳舞原理嘅理解，加速日後係舞蹈學習上嘅發展。

P.S.Foundation 基礎舞蹈常規班較適合希望打好舞蹈基礎的學生

Prodance有唔少學生已經將舞蹈列入為興趣以上嘅課外活動喇，係暑假期間我哋試行咗青少年訓練班，經過調整後將會係新學期恆常化舉行。

訓練班分為6-9/9-12/12-18歲，上堂時間就會係85分鐘，致力培訓有意在舞蹈上深造嘅學生。訓練班包括舞蹈技巧練習、身體協調訓練、體能筋健提升等，進一步開發自己嘅身體，讓學生舞蹈演繹上變得更全面，表現優異之學生，將有機會加入Prodance Crew (稍後時間將會推出)。

P.S.Training 舞蹈訓練班需要現時 level 1 學生經評估後才可報讀

希望黎緊新嘅課程可以提升到大家學習嘅質素，同時亦滿足到更多不同學生嘅需要。

再次多謝各位支持，我哋係黎緊10月新學期見。