小朋友學跳舞 幾多歲先最適合呢?
坊間有好多唔同嘅講法，由3歲到6歲都有人話適合，咁其實 小朋友學跳舞 幾多歲先最適合呢?
3-6歲 學跳舞無進度，係咪我小朋友唔適合跳舞呢?
我哋用學齡嚟做一個簡單嘅分界線，即係6歲前同6歲後。3-6歲嘅小朋友（幼兒）無論智力或者肌肉都仲處於發展狀態，需要理解及講求力量嘅舞蹈動作未必適合佢哋做。加上呢個階段嘅小朋友比較活躍，集中力都會比較容易分散，課堂如果用一般兒童舞蹈班嘅教學方式會比較難捉到佢哋嘅注意力。
幼兒學跳舞主要輔助身心發展
就住以上嘅考慮，老師都會花多啲心思係教學模式到，盡量以多元化及誇張生動嘅表達方式作教學。而內容方面，雖然都係會用返一般嘅跳舞音樂，但係舞步就會以簡單動作去組合，例如踏步/轉圈/扭動/伸展/屈曲等(韻律)動作去訓練小朋友方向感(前後左右)、平行力、節奏感等等，課堂目的主要係輔助小朋友嘅身心發展，並唔係要教佢哋舞蹈技巧或去記多樣嘅舞步。
睇到呢到，各位家長應該就會理解小朋友點解學咗跳舞一段時間點解都好似無咩野睇咁，其實就唔洗太擔心住先，好可能只係小朋友嘅年紀未到啫。
6歲後 學跳舞就最適合?
6歲後小朋友就開始讀小學喇，由於學習環境上嘅轉變，學習能力都會隨住慢慢提升，同時，身體發育亦較全面。
兒童學舞需循序漸進，避免受傷
雖然睇落身心方面都已經準備好，但係都需要控制學習內容喺小朋友嘅可以承受範圍內，一啲舞蹈技巧例如分離動作(Isolation)，呢類動作係著重肌肉控制，由於小朋友嘅肌肉強度未去到一定嘅水平，所以都唔會過份訓練，會循序漸進，被免令佢哋受傷。
身心條件具備，較容易睇到學習成果
呢個階段可以教授簡單手腳並用組合動作、記一段舞步。如已經有一定舞蹈經驗或比較有天份嘅小朋友，就可以學習一啲舞蹈技巧、適當體能及肌肉訓練等等。整體嚟講6歲以上嘅小朋友由於具備嘅身心條件同幼兒唔同，所以跳舞老師可以教嘅野會多咗，加上考慮亦無幼兒咁多，所以課堂嘅效率會好啲。當然加上部份有天份嘅小朋友會進步得好快， 對於家長黎講較容易睇到學習成果。
講到有天份同無天份呢一樣野，都係一個好有趣嘅題材，之後我哋會專門再大家分享一吓。
總括嚟講，不同年齡需要學習嘅內容及可以吸收到嘅內容都有所不同，所以 Prodance 對於學生年齡分班有嚴格規定。好多家長經常同我哋反映小朋友差少少可唔可以同埋家姐一齊學， 其實我哋唔係特登想分開佢哋， 只係希望大家真係可以與同級小朋友一齊專心學習跳舞。 而且我哋都好明白升班 有時會有唔捨得嘅時候， 所以課程設計上將6歲、9歲及12歲 重疊年齡層俾大家有個適應期。當然我哋亦會不斷喺課程上作出研究， 讓學生們都可以擁有好嘅跳舞體驗。
如果有興趣睇更多簡易版教學，可以入呢個網址睇吓: https://prodancehk.com/online-course/
Prodance Youtube: https://www.youtube.com/c/Prodancehk
Prodance IG: https://www.instagram.com/prodance_hk/?hl=zh-hk
/ KPOP舞蹈體驗堂 不斷更新，立即㩒入Link留位
https://prodancehk.com/classes/
