KPOP 舞難學嗎? 未學過跳舞可以上堂嗎?

KPOP 舞難學嗎? 呢個問題經常出現係我哋嘅耳邊。

而家好多人聽KPOP歌其實都會有興趣學埋隻MV舞，但係本身完全零經驗嘅話，要踏出第一步的確唔容易。

最近我哋經常收到查詢問，呢隻舞難唔難學、我未學過跳舞，可唔可以上堂等問題。我哋好明白初學者會有以上嘅擔心，所以都會盡量講解，讓佢哋了解不同課程嘅內容。但其實喺報堂前大家都可以初步評估一吓自己適唔適合上堂，以下有兩點想同大家分享吓。

一. YouTube永遠係你第一位老師

大部份識跳舞嘅朋友您問佢點開始學跳舞，十居其九都會答你上YouTube睇片學囉。其實YouTube上真係有好多、好多跳舞嘅教學，如果您想知跳舞係咩一回事，不妨上YouTube搵 “簡單KPOP舞蹈教學” 、 “KPOP 基礎教學” 都會好容易搵到唔同教學片，正正因為真係有太多選擇，其實都會無從入手。所以最簡單直接嘅方法，就係搵你鍾意首歌嘅舞蹈教學，直接跟住學，不停練習，第一日學唔識唔緊要，休息一日消化吓，重覆練習，相信最後都會學到多少。雖然跳舞隔住螢幕學習始終會打咗唔少折扣，但對於無學過跳舞或未敢出去學跳舞嘅朋友，網上學習會係最好嘅選擇。

二. 出去上堂前做足資料搜集

如果您已經做好出門學跳舞嘅心理準備，下一個問題就係應該去邊到學好呢? 香港都有唔少學KPOP嘅Studio。簡單Google Search吓都會出現好多選擇，想揀選自己最合適嘅KPOP舞蹈班，有足夠財力嘅情況吓當然係逐間去探索一吓喇。但係如果您只可以選擇一間去學嘅話，都可以先上唔同舞蹈學校嘅Facebook/IG/YouTube Channel了解一吓學校嘅背景、老師影片，課程簡介，呢啲資訊都可以進一步幫助您去作出判斷。

而我哋Prodance設有網上簡易版嘅教學，課堂上嘅流程及內容同實體堂接近，目的都係希望畀大家了解吓我哋嘅教學模式。如果大家有興趣知道更多可以入呢個網址到睇吓: https://prodancehk.com/online-course/

當然如果對我哋課堂有信心，亦可以參加我哋KPOP體驗堂。體驗堂主要針對零經驗嘅朋友，畀大家試吓跳KPOP，所以係教學上都有作出調節，希望參加者都可以有所得著。 大家可以入呢到睇吓有無堂啱您上，直接報名就可以: https://prodancehk.com/classes/

希望以上嘅分享可以幫助到初學者嘅您哋喇。

Prodance Youtube: https://www.youtube.com/c/Prodancehk
Prodance IG: https://www.instagram.com/prodance_hk/?hl=zh-hk